Lectura dramatizada – Portas Ártabras

Presentación da obra “Baixo o bosque de leite”, un clásico que explora os misterios, soños e voces dun pequeno pobo galés baixo a mirada de Dylan Thomas.

Nesta ocasión tan especial, presentaremos a tradución ao galego da obra e contaremos coa presenza de Xerardo Couto, artífice desta magnífica tradución, quen compartirá a súa experiencia e visión sobre este proxecto. Ademais, gozaremos dunha lectura dramatizada dun fragmento da obra.

As voces que darán vida a estes inesquecibles personaxes son: Xerardo Couto, Santiago Fernández, Luis Iglesia, Daniel Otero, David Vilares, Ana Sánchez, Diana López e Marta López.